Minutes from the Maewo Telecommunication Committee’s Second Meeting

These minutes and photos were sent via Facebook message to Alexis Cullen, who was in Port-Vila at the time and unable to attend. Alexis has posted these on behalf of the Public Relations Officer, Cathriona. This is written in Bislama, the national language of Vanuatu.

 

 

 

 

 

 

 

 

 

 

 

 

 

 

 

MINIT BLONG MAEWO TLECOMUNICATION KOMITY MITING

Date: 9th May 2016
Place: Qwatiowoli, Central Maewo
Time: 8: 00 am
Members present: 37
AGENDAS:
Wlkam mo prea
Minit blong las miting
Toktok long minit
Budget mo Account blong Tele.Komiti.
Miting klos.
1. MITING I OPEN / WELKAM MO PREA.
Jeaman Mr. Ezekiel Boelum I talem welkam long ol membas we I presen mo kol apon Eld. Martin Christy (observer) blong openem miting wetem prea.
2. MINIT BLONG LAS MITING.
Secretary Madam Lily Mana I ridimaot minit mo evriwan I agree long minit blong las miting.
3. TOKTOK LONG MINIT
Vice jeaman Mr. Japin Ngwera I kwestenem labour cost blong communication Tower se bae community support I kam in long wanem time?
Chairman I ansa se as soon as yumi finisim budget bae pipol I save start blong participate mo involve long fand raise mo also blong givhan long labour (free labour).
4. BUDGET MO ACCOUNT BLONG MAEWO TELECOMUNICATION KOMITI.
Mr. Ezekiel Boelum I stanap mo welkamem Hon. Ian Wilson M.P blong Maewo Constituency. Hemi se Hon. MP I kam blong lesin mo givim sapot long Maewo Telecomunication project. Mr. Chairman I se naoia komiti I no mekem inaf mane yet, be I gud plan blong each individual memba bae I contribute long VT 200 start long tudei 9th May kasem 23rd May 2016. Membas contribution ya I kavremap ol vilij ya I gat Gaiowo, Lalavaru, Betarara, Kerepei, Rongnawo, Umlongo, Qwatiowoli, Ngota mo Naviso.
Afta long plante toktok, komiti I resolve se budget miting bae stap afta long 23rd May mo MP. Ian I mekem support toktok mo komitim hem blong donetem fifty thousand (VT 50.000) I kam long Maewo Telecommunication Komity. Komiti I apreciatem financial support we I kam long Hon. MP. Mo miting I resolve tu se long Wednesday 11th May 2016 bae jeaman, Mr. Ezekiel Boelum, Vice Chairman, Mr. Japin Ngwera mo secretary Madam Lily Mana bae oppenem account blong Maewo Telecommunication.
5. MITING KLOS.
Jeaman I talem thank yu long evriwan we I kam mo searem tingting long miting mo kol apon Fr. Augustin (observer) blong klosem miting wetem prea.
Time: 12: 00 pmm
Minit Sign by:
_____________________________ Chairman
______________________________Vice Chairman
______________________________ Secretary